A letter from Sep 06, 2026

المعايدة المفقودة، ( النوتة الضايعة ) اهلًا ابو حسين، مبروك على تخرجك من الجامعة والف مبروك والحمدلله يا بطل لان عديت انت من هاي الفترة بكل صعوباتها ونسيت كل شخص اذاك واستفزك واستخف بيك وبموهبتك ودمر نفسيتك وتنمر عليك بيوم، صديقي الصدوق، يا احسن انسان شفته بهالدنيا، اني مدين بهذي ال 16 سنة الدراسية ل أمي بالمقام الاول، ول امير صديقي من الابتدائية ثانيًا اللي فرقتنا الاختصاصات بس بعده صديقي رغم قلة تواصل وياه، ولاصدقائي بثانوية بابل اللي عشت وياهم اجمل ست سنين دراسية بالثانوية، وبخصوص فترة كوفيد ف اني مدين للناس اللي تعرفت عليهم بالديسكورد ( الزينين منهم ) لان من خلالهم اكتشفت مواهب جانت مخفية بداخلي واكتشفت مواهبي، واكيد ما انسى والدي اللي رباني وعلمني شلون اعتمد على نفسي واشكر محمد اخويه السند الاول والاخير من كل الناس تعوفني رغم كل مشاكلي اللي تصير ولاختي الصغيرة حبيبة گلبي اللي صوتها وكلامها واسلوب تواصلها ويايه يسوى الناس واللي بيها، اشكر كل درس تعلمته خلال هالسنين واشكر كل اليوتيوبرز اللي تابعتهم واني صغير واستمريت عليهم من كبرت، ومنشن خاص ل اصدقائي خارج العراق اللي رغم المسافة بس تجمعني بيهم علاقة حلوة رغم ابتعادنا واتمنى يجي اليوم اللي ازورهم بيه، واحب اگول لكل واحد ما مصدگ بذكائي وشطارتي ف هياتني واگف گدامك، جبل حتى الريح ما راح تهزني ولا راح يأثر بيه كلامك ولا يهم، واذا انت حياتك طبيعتها مشاكل وتظل تسولف وتسأل وتستفسر هواي وتتشكى وتتمشى بالشارع بحجة انت منقذ انساني وتضوج علمود ابسط المواقف او انت بيك عقدة نقص تريد تكملها بيه ف ابشرك هالشي متلگاه عندي روح دورلك وحدة تحبها وتخطبها وتتزوجها حسب الاصل والاصول بعدين تعال حاجيني، 22 سنة سعيدة يا وحش المدرسة وان شاء الله تكبر بعد واشوفك كاسر عين كل واحد شكك بذكائك وحطم بيك وتنمر عليك، احبك يا احسن وافضل شخص اجه لهذي الدنيا ❤️